Юныя скрыпачы прынялі ўдзел у фестывалі «Тути»

0
17

У сярэдзіне сакавіка ў горадзе Бяроза адбыўся абласны фестываль-конкурс “Тути”, удзел у якім прыняў і дзіцячы інструментальны  ансамбль Драгічын-скай  школы мастацтваў. Гэты творчы калектыў пад кіраўніцтвам Алены Вітальеўны Міховіч згуртаваў 15 юных скрыпачоў, і яго рэпертуар налічвае больш за 20 інструментальных твораў розных стыляў i накірункаў.

Конкурсу папярэднічалі шматлікія выступленні юных музыкантаў у дзіцячых садках і школах раёна. Сваё высокае выканаўчае майстэрства яны пацвердзілі і на сцэнічнай пляцоўцы ў Бярозе. Творчыя здольнасці і настойлівая, крапатлівая паўсядзённая праца кіраў-ніка і яе выхаванцаў даюць добры плён. Вось і па выніках фестывалю-конкурсу “Тути” кампетэнтнае журы ўзнагаро-дзіла ансамбль Драгічынскай  дзіцячай школы мастацтваў Ганаровай граматай.

Зараз дзіцячы творчы калектыў пад кіраўніцтвам А.В.Міховіч рыхтуецца да адборачнага тура  свята-конкурсу “Рытмы маладосці». Пажадаем ім поспехаў, творчых знаходак, невычэрпнага натхнення і новых перамог.

Наталля МІХНЮК,

метадыст раённага метадычнага цэнтра аддзела культуры.

ОСТАВЬТЕ ОТВЕТ

Please enter your comment!
Please enter your name here