Жывёлаводы сельскагаспадарчага вытворчага кааператыва “Асавецкі” кожны год дабіваюцца добрых поспехаў

, , Leave a comment

Жывёлаводы сельскагаспадарчага вытворчага кааператыва “Асавецкі” кожны год дабіваюцца добрых поспехаў па вытворчасці прадуктаў ферм. Вось і сёлета гаспадарка надзейна ўтрымлівае першынство ў раёне па вытворчасці малака на 100 гектараў сельгасугоддзяў. А надой яго ад кожнай каровы за 7 месяцаў склаў 3636 кілаграмаў – на 219 кілаграмаў больш, чым за аналагічны мінулагодні перыяд.

Ёсць значныя дасягненні і ў вытворчасці мяса. Так, сярэднясутачныя прыбаўленні ў вазе буйной рагатай жывёлы сёлета ўзраслі на 75 і склалі 665 грамаў. Кааператыў, як правіла, пастаўляе на нарыхтоўчыя пункты жывёлу вышэйшай укормленасцю.
Бясспрэчна, поспеху садзейнічаюць многія фактары. Галоўныя ж з іх – старанная праца людзей і паўнацэннае кармленне жывёлы. Вось і зараз у гаспадарцы на стойлавы перыяд дляграмадскага статка ствараюць трывалую кармавую базу. Дастаткова сказаць, што тут на  1 умоўную галаву жывёлы ўжо назапасілі па 22 цэнтнеры кармавых адзінак – на 11 цэнтнераў больш, чым у такі час летась.
Травы сёлета ў гаспадарцы ўрадзілі добра. Таму з іх нарыхтавалі 1688 тон сена, заклалі 10980 тон сенажу, што склала да плана адпаведна 225 і 139 працэнтаў.
Цяпер поўным ходам вядзецца нарыхтоўка сіласу з кукурузы. Яго ўжо прыгатавалі звыш 11 тысяч тон пры плане 18600 тон. Падлікі паказваюць, што  заданне будзе значна перакрыта.
І яшчэ пра сянаж у рулонах. Яго ў раёне нарыхтоўваюць толькі ў трох гаспадарках. І найбольш такога сенажу назапасілі ў СВК “Асавецкі” – 934 тоны.
Юрый СЯРГЕЙ.
НА ЗДЫМКАХ: адзін з лепшых механізатараў гаспадаркі Аляксандр Аляксеевіч Шалыгін. У час нарыхтоўкі сенажу ў рулонах ён старанна працаваў на пагрузчыку БМЕ-1565; уборка рулонаў з поля.
Фота аўтара.

(Visited 19 times, 1 visits today)
 

Оставьте комментарий

(*) Required, Your email will not be published