Іван Міхайлавіч Пунько

, , Leave a comment

Шмат гадоў Равінскую СШ узначальвае Іван Міхайлавіч Пунько. Гэта – добры, чулы, неабыякавы чалавек, сапраўдны прафесіянал педагагічнай справы. Школа ўкамплектавана камп’ютарным класам, іншымі сучаснымі зручнасцямі. Але галоўнае: тут працуе граматны, з’яднаны калектыў, які прыкладае нямала намаганняў, каб навучальная ўстанова стала для дзяцей жаданым і ўтульным домам.
Школьныя калідоры ўпрыгожаны мноствам кветак, і вялікая заслуга ў гэтым нашага біёлага Таццяны Мікалаеўны Малышчык. На ўроках часта чуецца музыка — гэта з натхненнем расцягвае мяхі свайго баяна настаўнік музыкі і спеваў Уладзімір Уладзіміравіч Салавейка. На пасадзе сацыяльнага педагога шмат гадоў добрасумленна працуе Тамара Вітальеўна Пунько, якая спрыяе добрым узаемаадносінам дарослых і дзяцей. Значных поспехаў ў навучанні школьнікаў  дабіваюцца выкладчыца пачатковых класаў Таццяна Сцяпанаўна Джыга і настаўніца рускай мовы і літаратуры Людміла Канстан-цінаўна Ахрэмчык, выхаванцы якіх былі ў ліку пераможцаў раённых і абласных навукова-практычных канферэнцый. Папоўнілася школа і новымі педагогамі, у ліку якіх – намеснік дырэктара Галіна Леанідаўна Замкавец і выкладчык фізкультуры Мікалай Іванавіч Саханчук.
Па выніках мінулага навучальнага года калектыў Равінскай СШ адзначаны Ганаровай граматай аддзела адукацыі Драгічынскага райвыканкама. А гэта значыць, што педагогі  адукацыйнай  установы валодаюць добрым патэнцыялам у навучанні дзяцей і ў выхаванні дастойных грамадзян нашай будучыні.
Валянціна КАЛЕСНІКОВІЧ,
жыхарка вёскі Равіны
Фота Галіны ШАФРАН
(Visited 12 times, 1 visits today)
 

Оставьте комментарий

(*) Required, Your email will not be published