Звышудала выступіла каманда юнакоў 2003-2004 года нараджэння нашага раёна на рэспубліканскіх спаборніцтвах па футболе «Скураны мяч» на прызы Прэзідэнцкага спартыўнага клуба. Турнір праходзіў з 1 па 5 верасня ў горадзе Ліда (Гродзенская вобласць), а драгічынская дружына “Юнацтва” ў рангу чэмпіёнаў вобласці прадстаўляла Брэстчыну.
На групавым этапе падапечныя трэнера-выкладчыка Драгічынскай ДЗЮСШ Юрыя Вячаслававіча Пятроўскага абыгралі сапернікаў з Барысава (5:2), Буда-Кашалёва (8:0) і Мінска (6:1). У фінале нашы землякі змагаліся з аднагодкамі з Паставаў. Асноўны час не выявіў пераможцу. А ў пасляматчавай “пенальці-латарэі” ўдача ўсміхнулася футбалістам “Юнацтва”, якія перамаглі з лікам 4:3.
Чэмпіёны краіны былі ўзнагароджаны Кубкамі, граматамі, медалямі і памятнымі падарункамі ад Прэзідэнцкага спартыўнага клуба і Міністэрства спорту і турызму.
Віншуем!
Аляксей НАУМАВЕЦ
