Вось ужо 18 гадоў працуе настаўніцай у АСШ №2 г.Драгічына Святлана Іванаўна Хілько. А выкладае яна тут рускую мову і літаратуру. Жанчына гаворыць, што вялікі ўплыў на выбар яе прафесіі  аказала Людміла Аляксееўна Курачкіна, якая ў свой час з’яўлялася адным з лепшых педагогаў раёна.

С.І.Хілько – чулы, душэўны чалавек, добрасумленна адносіцца да даручанай справы. Веды, атрыманыя ў Брэсцкім педінстытуце, старанне, а таксама вопыт, які яна пераймала ў вопытных педагогаў, дапамаглі ёй у хуткім часе заваяваць аўтарытэт у калег па рабоце, у вучняў і іх бацькоў.

Кожны ўрок Святланы Іванаўны – гэта пошук, творчая лабараторыя здабычы ведаў. Настаўніца ўмее захапіць вучняў, прывіць ім любоў да вывучаемых прадметаў. Яе класныя гадзіны абуджаюць думку, прымушаюць разважаць. Педагог не толькі сама тлумачыць новыя тэмы, але часта прыцягвае да гэтай справы і сваіх выхаванцаў, даручаючы ім рыхтаваць выступленні па той ці іншай тэме.

За поспехі ў педагагічнай дзейнасці С.І.Хілько ўдастоена Ганаровай граматы раённага Савета дэпутатаў і раённага выканаўчага камітэта.