Паспяхова выступілі навучэнцы Хомскай дзіцячай школы мастацтваў на рэгіянальным конкурсе выканаўцаў на народных інструментах, які прайшоў нядаўна ў Пінску. Асабліва вызначыліся сваім майстэрствам юныя музыканты, з якімі займаецца настаўніца Валянціна Васільеўна Квашэвіч. Яе выхаванцы Крысціна Ігнатчык і Аня Пігас былі лепшымі сярод цымбалістаў, заняўшы адпаведна першае і другое конкурсныя месцы. У выкананні дзяўчат прагучала класічная інструментальная музыка і творы беларускіх кампазітараў, а іх акампаніятарам на фартэпіяна выступіла канцэртмайстар Таццяна Сцяпанаўна Пігас. Дамоў юныя цымбалісткі вярнуліся з заслужанымі ўзнагародамі і жаданнем надалей удасканальваць сваё выканаўчае майстэрства.
Галіна ВІКТАРАВА
