Да колішняга абраду Купалля маглі далучыцца ўсе жадаючыя

Дата:

Кожнай пары – сваё свята, а самай масавай пляцоўкай для адраджэння і паказу самабытных  народных абрадаў і традыцый апошнім часам становіцца этнападвор’е музейнага комплексу “Бездзежскі фартушок”. Услед за Шчадрухай, Вадохрышчам, велікоднай “стрілкай”  сюды завітала Купалле…

Мясцовыя прыгажуні ў святочных вяночках
Мясцовыя прыгажуні ў святочных вяночках

Нядзельным вечарам, 6 ліпеня, у двары вясковай этнасядзібы “Каля Плэса”, узбоч якой працякае невялічкая рачулка з аднаіменнай назвай, пачалі сыходзіцца тутэйшыя жыхары і з’язджацца госці, і ўсе яны маглі далучыцца да колішняга абраду Купалля. Было запалена вогнішча, ля якога і разгортвалася асноўная дзея – тэатралізаванае прадстаўленне “У пошуках папараць-кветкі”, падрыхтаванае работнікамі гарадскога Дома культуры. Прысутныя ў суправаджэнні  галоўнай гераіні – Купалінкі – маглі пакружыць у карагодзе, прыгадаць купальскія песні, а найбольш спрытныя і рызыкоўныя спрабавалі пераскочыць вогнішча, што, па павер’ю нашых продкаў-язычнікаў, лічылася своеасаблівым ачышчальным рытуалам.

Нямала жадаючых знайшлося пераскочыць купальскае вогнішча
Нямала жадаючых знайшлося пераскочыць купальскае вогнішча

З Купаллем  звязаны яшчэ адзін звычай, якога прытрымліваюцца незамужнія  дзяўчаткі. Вось і на гэты раз тутэйшыя прыгажуні з хваляваннем пускалі па вадзе сплеценыя вяночкі, спа-дзяючыся, што яны абавязкова даплывуць да каханага-суджанага. А своеасаблівым сімвалам летняй купальскай ночы з’яўляецца чароўная папараць-кветка, на пошукі якой штогод адпраўляюцца многія рамантыкі. У колішніх паданнях гаворыцца, што той, хто знойдзе яе, будзе шчаслівым усё жыццё. Шкада толькі, што існуе яна, пэўна, толькі ў легендах і марах. Ды ў тэатралізаваных прадстаўленнях накшталт  таго, што  было паказана нядаўна ў Бездзежы.

Але ж маладосці ўласціва верыць у цуды, таму і не знікаюць, не страчваюць сваёй запатрабаванасці даўнішнія абрады купалаўскай ночы…

Галіна ВІКТАРАВА

Фота Івана ЛЯОНЧЫКА

Поделиться новостью:

Популярно

Архив новостей

Похожие новости
Рекомендуем

В агрогородке Закозель прошло экскурсионно-познавательное мероприятие

В выходной день 21 июля агрогородок Закозель собрал любителей...

В Дрогичинском районе прошел праздник земляков

В деревне Сутки Дрогичинского сельсовета 20 июля прошел праздник...

Президент дал оценку работы промышленного сектора и поставил задачи на перспективу

Ситуация в сфере промышленности в целом складывается неплохо, но...

Аграрии Дрогичинского района намолотили 33,6 тысяч тонн зерна

По состоянию на 22 июля сельхозпредприятиями района убрано зерновых...