spot_img
spot_imgspot_imgspot_imgspot_img

АД СУБОТЫ ДА СУБОТЫ

Дата:

МІНІСТР ПРАМЫСЛОВАСЦІ – НАШ ЗЯМЛЯК
Прэзідэнт Аляксандр Лукашэнка 4 лютага разгледзеў кадравыя пытанні. Ён, у прыватнасці, падпісаў указ аб назначэнні Дзмітрыя Сцяпанавіча Кацярыніча Мі-ністрам прамысловасці Рэспублікі Беларусь.
Мабыць, не ўсе ведаюць, што Д.С.Кацярыніч – наш зямляк. Ён нарадзіўся ў 1957 годзе ў вёсцы Гута Драгічынскага раёна. У 1983 годзе скончыў Беларускі тэхналагічны інстытут, а ў 2007-м – Акадэмію кіравання пры Прэзідэнце Рэспублікі Беларусь.
Дзмітрый Сцяпанавіч 9 гадоў працаваў майстрам участка вулканізацыі завода буйнагабарытных шын, намеснікам начальніка цэха вулканізацыі №2, намеснікам галоўнага інжынера па тэхналогіі завода масавых шын Бабруйскага вытворчага аб’яднання “Бабруйскшына”. Затым наш зямляк быў галоўным тэхнолагам Беларускага шыннага камбіната “Белшына”, а з 2006 года працаваў генеральным дырэктарам адкрытага акцыянернага таварыства “Белшына”.
Цяпер ва Ўрадзе Рэспублікі Беларусь працуюць двое нашых землякоў: Міністр прамысловасці  Д.С.Кацярыніч і Міністр аховы здароўя В.І.Жарко.
ЖЫЛЛЁВЫЯ  ПРАБЛЕМЫ  ВЫРАШАЮЦЦА
Важным пытаннем сёння застаецца паляпшэнне жыллёвых умоў насельніцтва, забеспячэнне яго даступнасцю жылля і паслуг жыллёва-камунальнай гаспадаркі ў адпаведнасці з дзяржаўнымі сацыяльнымі стандартамі.
Толькі летась у раёне было здадзена ў эксплуатацыю 220 жылых дамоў агульнай плошчай 32 тыс. кв. метраў або 100 працэнтаў да гадавога задання. У выніку свае жыллёвыя ўмовы палепшылі 48 мнагадзетных сем’яў.
Цяпер у фарміруемыя жыллёва-будаўнічыя кааператывы ўключаюцца грамадзяне, якія сталі на ўлік у лістападзе 2010 года. Як бачым, практычна чаргі на будаўніцтва жылля ў нас няма. А сёлета яго запланавана ўвесці ў строй яшчэ 25 тысяч квадратных метраў.
ГАСТРАЛЁРКА З КАЛІНКАВІЧ
У нашай вобласці затрымалі групу цыганоў з Гомельшчыны. Яны гастралявалі па Брэстчыне, падманвалі і абіралі даверлівых людзей.
Так, да жыхаркі вёскі Валавель  зайшла модна апранутая цыганка і прапанавала купіць куртку. Крыху агледзеўшыся, заявіла, што бачыць у доме сурокі. Маўляў, калі іх не зняць, то бяды не абярэшся…
Мужа ў хаце не было, а гаспадыня, маці дваіх дзяцей, зняла з сябе залатыя завушніцы з пярсцёнкамі і аддала цыганцы. Апошняя пачала штосьці незразумелае шаптаць, а потым выбегла з дому і разам з памагатымі, якія сядзелі ў “Жыгулях”, з’ехала.
Толькі вечарам жанчына, як кажуць, апамяталася, зразумела, што яе сярод белага дня абабралі. Заявіла ў міліцыю. Супрацоўнікі Драгічынскага РАУС праявілі выключную аператыўнасць. Яны неўзабаве затрымалі 45-гадовую жыхарку Калінкавіч у вёсцы Заплессе, дзе цыганы заначавалі.
ПУЛЬСУЕ  ЮНАЦТВА ЗАПАЛ
На высокім арганізацыйным                узроўні ў нас праводзяцца спартыўныя, культурныя і іншыя мерапрыемствы. Так, па выніках мінулага года наш раён заняў першае месца ў круглагадавой спартакіядзе Брэсцкай вобласці. Дарэчы, нашы маладыя таленты пад кіраўніцтвам трэнераў, педагогаў неаднаразова станавіліся пераможцамі і прызёрамі не толькі рэспубліканскіх, але і міжнародных спартакіяд, конкурсаў і алімпіяд.
Аляксей СЯРГЕЙ

Поделиться новостью:

Популярно

Архив новостей

Похожие новости
Рекомендуем

Наталья Кочанова избрана председателем Совета Республики восьмого созыва

Председателем Совета Республики Национального собрания Республики Беларусь восьмого созыва...

Как высокотехнологичная диагностика помогает сохранять здоровье

Путь пациента к выздоровлению начинается со своевременной качественной диагностики заболевания....

Об обеспечении электробезопасности при проведении сельскохозяйственных работ

Для обеспечения электробезопасности, а также в рамках информирования Дрогичинская...

О профилактике электротравматизма в сезон рыбной ловли

Статистика несчастных случаев с населением в Республике Беларусь свидетельствует...