spot_img
spot_imgspot_imgspot_imgspot_img

БЫЦЦАМ ЗНОЎ ЗА ШКОЛЬНАЙ ПАРТАЙ…

Дата:

Хтосьці з мудрых сказаў: школа дае нам цыркуль ведаў, якім мы ствараем круг жыцця. Але зазіраць у зборнік афарызмаў, каб знайсці трапнае выказванне пра навучанне, зусім не абавязкова. Тое, што дала нам школа, выражаецца самымі простымі словамі: шчырасць, цікавасць да жыцця, самадастатковасць і, галоўнае, чалавечнасць.
Падчас рабочага дня зазваніў тэлефон, і ў трубцы пачуўся голас: “Каця, добры дзень! Пазнаеш, хто табе звоніць?”. У першае імгненне засумнявалася і, каб схаваць сваю хвілінную разгубленасць,  хацелася пажартаваць, як тое прынята: маўляў, багатай будзеце. Але ўпэўніўшыся, што тэлефануе Валянціна Расціславаўна Канцэвіч, мая былая школьная настаўніца па рускай мове і літаратуры, утрымалася ад банальнасцяў. Бо ведала, што сапраўдным скарбам у разуменні маёй выкладчыцы былі дапытлівыя вучні, трывалыя веды, любімая работа, калегі-настаўнікі… Хіба грошы заменяць тое, што стала сэнсам жыцця?
Многія ўрокі В.Р.Канцэвіч памятаюцца па сённяшні дзень. З Валянцінай Расціславаўнай я даведалася пра Пецярбург вялікага Фёдара Міхайлавіча Дастаеўскага. З ёй я палюбіла Марыну Цвятаеву (дагэтуль узгадваю, як, наперакор усім дзяўчаткам, якія вучылі напамяць класіку “Мне нравится, что вы больны не мной…), я адзіная з класа расказала мінорнае і вельмі дарослае “Христос и Бог, я жажду чуда…”). Дарэчы, свае асабістыя свядомыя вершы я пачала пісаць мена-віта пад уражаннем такіх літаратурных вандровак. І пішу дагэтуль, з хваляваннем узгадваючы тыя далёкія-блізкія ўрокі.
А мой журналісцкі шлях пачаўся дзякуючы настаўніцы беларускай мовы і літаратуры В.І.Ярмоцык. Як зараз помню: не было межаў радасці, калі маё сачыненне “Няхай буслы прыносяць шчасце” надрукавалі ў “Драгічынскім весніку”. І падчас навучання на журфаку за добрае веданне роднай мовы мне заўсёды было “выдатна”. Па-беларуску я пісала і сваю дыпломную работу.
Дарэчы, пра журфак. Першым выпрабаваннем на ўступных іспытах у Белдзяржуніверсітэт быў экзамен па англійскай мове. І веды, якія далі мне выкладчыкі гэтага прадмета Людміла Аляксандраўна Рацык і Таіса Вітальеўна Літвінчык, былі пацверджаны добрай адзнакай не толькі пры паступленні, але і падчас вучобы ва ўніверсітэце. Ды і цяпер многія замежныя тэлеперадачы я магу глядзець без перакладчыка.
І нават пра матэматыку – прадмет, што, як мне падаецца, проціпаказаны непапраўным гуманітарыям, у мяне самыя светлыя ўспаміны. Строгія і адначасова добрыя, чулыя Раіса Іванаўна Гуз і Раіса Уладзіміраўна Бондарава ніколі не прымушалі: маўляў, алгебра – самы важны прадмет у жыцці. Пры гэтым яны заўсёды арганізоўвалі свае заняткі такім чынам, што прыходзіць непадрыхтаванымі было проста немагчыма. Таму сумленна брала інтэгралы, рашала ўраўненні, чарціла паралелаграмы. Не ведаю, наколькі мне спатрэбілася ў жыцці тэарэма Піфагора, але грошы( асабліва за некалькі дзён да зарплаты) лічу бездакорна. І сабранасць з дысцыплінаванасцю, якія я атрымала на матэматычных занятках, таксама дапамагаюць…
А пачалася для мяне школа з чулых і справядлівых адносін першай настаўніцы Галіны Пятроўны Угляніцы. Нярэдка ўзгадваю і класнага кіраўніка Ніну Мікалаеўну Ляшэвіч, іншых сваіх выкладчыкаў, якія засявалі нашы душы зярняткамі разумнага, добрага, вечнага. І такія ўрокі – на ўсё жыццё.
Дзякуй вам за тое, любімыя мае настаўнікі!
Кацярына МАРГОЛЬ,
выпускніца 2000 года.
НА ЗДЫМКУ: дырэктар АСШ №1  г.Драгічына Я.С.Гарковіч (другая злева) з настаўнікамі Л.Л.Мамацюк, Н.У.Жукавай і В.Р.Канцэвіч.
Фота Галіны Шафран.

Предыдущая статья
Следующая статья

Поделиться новостью:

Популярно

Архив новостей

Похожие новости
Рекомендуем

Наталья Кочанова избрана председателем Совета Республики восьмого созыва

Председателем Совета Республики Национального собрания Республики Беларусь восьмого созыва...

Как высокотехнологичная диагностика помогает сохранять здоровье

Путь пациента к выздоровлению начинается со своевременной качественной диагностики заболевания....

Об обеспечении электробезопасности при проведении сельскохозяйственных работ

Для обеспечения электробезопасности, а также в рамках информирования Дрогичинская...

О профилактике электротравматизма в сезон рыбной ловли

Статистика несчастных случаев с населением в Республике Беларусь свидетельствует...