spot_img

ДЗЕНЬ ЗА ДНЁМ

Дата:

5 чэрвеня – Дзень аховы навакольнага асяроддзя – стаў днём адкрытых дзвярэй у рэспубліканскім ландшафтным заказніку “Званец”. Яго наведалі вучні Радастаўскай школы і ўсе жадаючыя. Па словах дырэктара гэтай прыродаахоўнай установы М.С.Мельнічука, для гасцей была праве-дзена экскурсія па інфармацыйным цэнтры, які месціцца ў Гаравіцы. Яны змаглі наведаць вучэбны клас, памяшканне для аматараў аграэкатурызму, паўдзельнічаць у дыскусіі аб неабходнасці аховы прыроды. У мерапрыемстве прынялі ўдзел прадстаўнікі грамадскага аб’яднання “Ахова птушак Бацькаўшчыны” Алег Кальчанка і Уладзімір Малашэвіч, а таксама іх калегі з аналагічных таварыстваў Германіі і Польшчы. Яны расказалі наведвальнікам “Званца” аб папуляцыі вяртлявай чаротаўкі і іншых рэдкіх відах жывёльнага і расліннага свету, што ёсць у тутэйшым заказніку. Па меркаванню арганізатараў Дня адкрытых дзвярэй, такія мерапрыемствы павінны па-спрыяць узаемадзеянню прыродаахоўных арга-нізацый і насельніцтва па захаванню ландшафтных асаблівасцей тутэйшых мясцін.
***
Канец вясны – пачатак лета адметны шматлікімі спартыўнымі спаборніцтвамі абласнога і рэспубліканскага ўзроўню, удзел у якім бралі і прадстаўнікі Драгічыншчыны. Паводле інфармацыі, якая паступіла ад інструктара-метадыста ДЮСШ Р.С.Рацыка, у нядаўняй абласной спартакіядзе школьнікаў па лёгкай атлетыцы, якая праходзіла ў Брэсце, наша зборная каманда заняла ІІІ месца. А ў асабістым заліку найлепшых вынікаў дабіліся выхаванцы І.І.Невядомскага і В.П.Рассафонава, у ліку якіх – Сяргей Ігнацюк, Таццяна Місейка, Анастасія Маслова, Мікалай Шавялюк, Іван Магілянчык і іншыя.
Парадавалі сваімі вынікамі і выхаванцы ДЮСШ Дзмітрый Касцючык і Андрэй Маслоў. Дзмітрый заняў першае месца ў рэспубліканскай спартакіядзе ў штурханні ядра з вы-нікам 14 м 18 см, Андрэй узняўся на трэцюю ступеньку п’едэсталу ў такім відзе спаборніцтва, як кіданне молата (яго вынік – 67 м 07 см). А падрыхтаваў пераможцаў рэспублікан-скай спартакіяды трэнер-выкладчык В.П.Рассафонаў.

Галіна ВІКТАРАВА.

Поделиться новостью:

Популярно

Архив новостей

Похожие новости
Рекомендуем

Игорь Сергеенко обозначил первоочередные задачи для депутатов нового созыва

Председатель Палаты представителей Игорь Сергеенко в интервью телеканалу ОНТ назвал...

Картина Моне продана на аукционе в Нью-Йорке почти за $35 млн

Картина известного французского импрессиониста Клода Моне "Мель в Живерни"...

Храмы, мельницы и… ГЭС “Дружба народов”. Маршрут, на котором время будто замерло

На краю белорусской географии: маршрут путешествия по приграничью. Первой точкой...

В Великобритании салфетку с текстом первого контракта Месси продали за $965 тыс.

Салфетку с текстом первого контракта аргентинского футболиста Лионеля Месси...