Па інфармацыі ўпраўлення па сельскай гаспадарцы і харчаванню райвыканкама, па стану на 18 красавіка ў нашым раёне яравая сяўба набліжаецца да “экватара”. Сельгаскультуры размешчаны на 11 766 гектарах. Поўнасцю завершана сяўба лёну на плошчы 364 гектары. Цукровыя буракі пасеяны на 1047 гектарах, што складае 65 працэнтаў да плана.
Усе гаспадаркі завяршылі сяўбу на цукровым палетку.
Да сяўбы кукурузы прыступілі многія гаспадаркі раёна, аднак лідзіруюць адкрытыя акцыянерныя таварыствы «Ліпніцкі», “Аляксеевічы-Агра”, “Агра-Дзеткавічы” і “Асіпавічы”.
Адначасова вядуцца і іншыя неадкладныя работы: хімпраполкі, падкормкі мінеральнымі ўдабрэннямі, апрацоўкі пасеваў ад шкоднікаў і хвароб, сяўба траў, унясенне арганічных угнаенняў, а ў пачатку мая пачнецца ўжо і нарыхтоўка кармоў.
Аляксандр РЭПІХА.
Фота Яніны ПРАТАСЕВІЧ.
