У Драгічын прыбыла навукова-асветніцкая экспедыцыя “Дарога да Святыняў” з Жыватворным Агнём ад Гроба Гасподня ў рамках Дня беларускага пісьменства, якая прыняла ўдзел у мітынгу і ўрачыстым ускладанні кветак да мемарыяла загінуўшым воінам у гарадскім скверы. Пасля чаго ўдзельнікі экспедыцыі прайшлі хросным ходам да храма прападобнай Еўфрасінні Полацкай.
Далей для ўдзельнiкаў экспедыцыi прайшоў малебен, пасля якога адбылася перадача Благадатнага агню на свечкі прыхаджан. Затым на тэрыторыі храма быў закладзены “Сад Малітвы”.
Пасля гэтага ў цэнтральнай раённай бібліятэцы прайшла духоўна-асветніцкая канферэнцыя “Дарога да святыняў” у рамках дзяржаўнага свята Дзень беларускага пісьменства.
З Драгічына прадстаўнікі навукова-асветніцкай экспедыцыi “Дарога да святыняў” адправіліся ў аг. Бездзеж, дзе наведалі людзей, якiя знаходзяцца на койках сястрынскага догляду ва ўчастковай бальніцы і напярэдаднi Дня беларускага пісьменства ўручылі свечкі ад Благадатнага агню і абразы Прысвятой Багародзіцы (Афонскай).
На гэтым навукова-асветніцкая экспедыцыя пакінула наш раён і накiравалася ў г. Белаазёрск Бярозаўскага раёна.
