Стабільна і рытмічна працуе ў апошні час калектыў Антопальскай ватна-прадзільнай фабрыкі. Па словах яе дырэктара Г.А.Радчука, рабочыя прадпрыемства за кошт інвестыцый дзяржбюджэту тэхнічна пераўзброіліся і значна палепшылі якасныя вытворчыя паказчыкі. У выніку толькі за мінулы год тут атрымалі амаль 100 мільёнаў рублёў чыстага прыбытку.
Цяпер у Антопалі заняты распрацоўкай і выпускам новых відаў прадукцыі. Сярод іх – тонкі наматрацнік з рызінкамі і наматрацнік-трасформер. Першы з іх стварае камфорт і захоўвае неабходнае цяпло, а другі вельмі зручны для адпачынку на ўлонні прыроды, на дачы.
Перспектыўным прадуктам для фабрыкі стаў флізелін. Гэта поліэфірнае тонкае тэрмаўстойлівае палатно, асновай якога з’яўляецца поліэфірнае валакно. Да гэтага яго ў Беларусі яшчэ не выраблялі. Таму вытворчасцю флізеліна ў Антопалі зацікавіліся фірмы з Кітая. Зараз вядуцца перамовы аб стварэнні беларуска-кітайскага прадпрыемства. Улічваючы той факт, што 70 працэнтаў акцый будзе належыць калектыву фабрыкі, то і галоўная роля ў вытворчасці флізеліну бу-дзе за ім.
