spot_img
spot_imgspot_imgspot_imgspot_img

У школах Драгічыншчыны стартаваў традыцыйны рэспубліканскі агляд-конкурс Дзядоў Марозаў і Снягурачак

Дата:

Зіма ўжо не за гарамі, і першымі прадчуванне цудоўных навагодніх свят наведвае навучальныя ўстановы горада і раёна. Нядаўна ў школах Драгічыншчыны, як і ўсёй рэспублікі, стартаваў традыцыйны рэспубліканскі агляд-конкурс Дзядоў Марозаў і Снягурачак «Ёлка-фэст», першы этап якога прайшоў у раённым цэнтры дадатковай адукацыі дзяцей  і моладзі. Можна сказаць, што  ў той ці іншай меры падрыхтаванымі да таго, каб данесці дзецям казачную чароўнасць жаданых навагодніх свят, на Драгічыншчыне аказаліся калектывы гарадскіх СШ, гімназіі і Завершскай базавай школы.

Першымі на суд журы сваю святочную праграму вынеслі Дзед Мароз і Снягурачка СШ №2 г.Драгічына, у ролі якіх выступілі педагогі Сяргей Мікалаевіч Квачук і Таццяна Мікалаеўна Салавейка. Пры падтрымцы дзяцей, іх усмешак, актыўнасці і зацікаўленасці мерапрыемствам, яны падымалі “градус” агульнай весялосці ў глядзельнай зале.

І гэта ў пэўнай меры паспрыяла таму, што наступных удзельнікаў конкурсу “Ёлка-фэст”  – каманду СШ №1 г.Драгічына – прысутныя хлопчыкі і дзяўчынкі сустракалі з сапраўды пераднавагоднім настроем, аптымізмам і шчырым чаканнем цудаў. І Дзед Мароз (настаўнік музыкі Антон Іванавіч Янушчык), і Снягурачка (яго калега Кацярына Сцяпанаўна Карнейчык) з гэтай навучальнай установы іх не расчаравалі. Магчыма, яшчэ і таму, што ў іх была сапраўды падрыхтаваная, зладжаная і таленавітая група падтрымкі. Прынамсі, прысутнасць адной толькі абаяльнай і жартаўлівай Бабы-Ягі-шкодніцы, якая ў самым пачатку выкрадае ў Дзедаў Марозаў мех з падарункамі, а потым з удзелам дзяцей перавыхоўваецца настолькі, што ўсё завяршаецца, як і павінна быць — дабро перамагае зло, — надало прадстаўленню эмацыянальнасці, каларытнасці і відовішчнасці.

Арыгінальную задуму паспрабавалі ўвасобіць у навагодні сцэнарый для дзяцей Дзед Мароз і Снягурачка з гімназіі г.Драгічына, ролі якіх выканалі настаўнік працоўнага навучання Аляксандр Іванавіч Крэйдзіч і педагог-арганізатар Ірына Вячаславаўна Мамацюк. Гэта свята яны памкнуліся правесці  ў фармаце вядомай праграмы Андрэя Малахава “Няхай гавораць”, і ім засталося толькі дасціпна адшліфаваць сцэнарый у адпаведнасці са школьнымі крытэрыямі.

Цудоўныя вобразы сапраўды прыгожых казачных персанажаў увасобілі ў сваёй праграме Дзед Мароз (выкладчык інфарматыкі Цімафей Іванавіч Клімчук) і Снягурачка (настаўніца фізкультуры Вольга Віктараўна Янушчык) з Завершскай базавай школы, якія падахвочвалі юных удзельнікаў сапраўды шчодрымі падарункамі…

Такім чынам, рэпетыцыя школьнага Новага года ў РЦДАДзіМ прайшла паспяхова, і гэтыя школы можна лічыць падрыхтаванымі да зімовых свят. А Дыплом пераможцы раённага этапа агляду-конкурсу “Ёлка-фэст” старшыня журы, метадыст РУМК аддзела па адукацыі Святлана Васільеўна Дышко ўручыла камандзе  СШ №1 г.Драгічына, якой і прадстаіць прыняць удзел у абласным этапе пераднавагодняга мерапрыемства.

Галіна ШАФРАН
Фота аўтара

Поделиться новостью:

Популярно

Архив новостей

Похожие новости
Рекомендуем

“Белорусское сладкое” и “Сябрына”. Лукашенко проводит субботник на своей малой родине

Президент Беларуси Александр Лукашенко в день республиканского субботника на своей...

Жители Дрогичинщины принимают участие в республиканском субботнике

Благоустройством и наведением порядка в городе и населенных пунктах...

Активисты и общественники Дрогичинщины в рамках республиканского субботника приняли участие в акции «Время помнить»

В данной акции участие приняли Дрогичинская районная организация БРСМ,...

Магазины, рынки, такси, услуги на дому: когда покупателям должны выдавать чек

В соответствии с Налоговым кодексом Республики Беларусь, при реализации...