Сезонныя работы на сельскагаспадарчых палетках – у самым разгары. Пасля завяршэння жніва вяскоўцы прыступілі да ўборкі крупяных культур, у прыватнасці, проса, якое вырашчана сёлета на 460-гектарнай плошчы. Першымі завяршылі яго ўборку ў СВК “Аляксеевічы-Агра”, дзе атрымалі па 22,6  цнт  крупяной сыравіны на круг пры сярэднераённай ураджайнасці 18,6 цнт з га. Неблагі ўраджай гэтай запатрабаванай культуры вырашчаны таксама ў СВК “Ліпніцкі”, “Імянінскі”, “Пенякова”, “Асіпавічы” і іншых.

На днях некаторыя з гаспадарак прыступілі і да ўборкі грэчкі. Такім чынам аграрнікі Драгічыншчыны мяркуюць унесці свой уклад у справу забеспячэння спажыўцоў крупой айчыннай вытворчасці.