У мінулую суботу ў Жлобіне адбылося галоўнае гадавое свята працаўнікоў вёскі – рэспубліканскі фестываль-кірмаш “Дажынкі-2013”. На ім ушанавалі не толькі герояў збожжавай нівы, але і іншых перадавікоў сельгасвытворчасці. У прыватнасці, заахвочваліся пераможцы агляду-конкурсу “Землекарыстанне высокай культуры земляробства, добраўпарадкаванне машынных двароў, жывёлагадоўчых ферм і комплексаў” у бягучым годзе.
Вельмі прыемна, што пераможцай рэспубліканскага агляду-конкурсу сярод сялянскіх (фермерскіх) гаспадарак прызнана гаспадарка “Жарко” нашага раёна. А ўзначальвае яе руплівы і дбайны працаўнік Анатолій Уладзіміравіч Жарко. Дарэчы, па выніках работы за 2011 год яму ў галіне прадпрымальніцтва рашэннем райвыканкама было прысвоена ганаровае званне “Чалавек года”. І вось – новае дасягненне.
Фермерскай гаспадарцы “Жарко” прысуджаны дыплом і грашовая прэмія ў суме 60 млн. рублёў. Віншуем з працоўнай перамогай, шаноўны Анатолій Уладзіміравіч!
Аляксей ФЁДАРАЎ
