У мінулым годзе Беларусь у цэлым, у тым ліку і наш раён, дапусцілі зніжэнне вытворчасці прадуктаў ферм. Нягледзячы на гэта, у кожнай гаспадарцы ёсць нямала такіх жывёлаводаў, якія, як гаворыцца, працуюць з падвоенай энергіяй і з’яўляюцца прыкладам для іншых.
Гэта пацвердзілі і ў Міністэрстве сельскай гаспадаркі і харчавання, дзе падвялі вынікі рэспубліканскага спаборніцтва за дасягненне высокіх паказчыкаў па вытворчасці жывёлагадоўчай прадукцыі ў 2013 годзе. Пераможцам прызнана Гродзенская вобласць. Яна адзначана Ганаровым дыпломам і грашовай прэміяй у 220 млн. рублёў.
Лаўры першынства сярод рэгіёнаў дасталіся жывёлаводам Пружанскага, Верхнядзвінскага, Мазырскага, Гродзенскага, Нясвіжскага і Кіраўскага раёнаў.
Сярод сельскагаспадарчых арганізацый і іх філіялаў, якія спецыялізуюцца па вытворчасці малака, вышэйшая ступенька п’едэстала гонару дасталася СВК “Асавецкі” нашага раёна.
Па Драгічыншчыне пераможцамі рэспубліканскага спаборніцтва сярод работнікаў сельскагаспадарчых арганізацый прызнаны:
Святлана Уладзіміраўна Лапутка – галоўны заатэхнік СВК “Імянінскі”,
Андрэй Васільевіч Міранюк – галоўны ветэрынарны ўрач СВК “Агра-Дзеткавічы”,
Юлія Анатольеўна Саковіч – заатэхнік-селекцыянер СВК “Асавецкі”,
Таццяна Іванаўна Ярмоцык – брыгадзір малочнатаварнай фермы СВК “Асавецкі”,
Валянціна Іванаўна Мішчук – аператар па штучнаму асемяненню жывёлін СВК “Аляксеевічы-Агра”,
Алена Міхайлаўна Адамовіч – аператар машыннага даення кароў СВК “Асавецкі”,
Алег Лявонцьевіч Кавальчук – аператар па абслугоўванню дойнага статка (жывёлавод-пастух) СВК “Асавецкі”,
Алена Васільеўна Волас – аператар па вырошчванню буйной рагатай жывёлы да 6-месячнага ўзросту СВК “Асавецкі”,
Аляксей Леанідавіч Гучэнка – аператар па вырошчванню буйной рагатай жывёлы пасля 6-месячнага ўзросту СВК “Імянінскі”,
Алена Сяргееўна Жадзінец – аператар па абслугоўванню свінаматак з парасятамі СВФ “Прыазёрны” камбікормавага завода,
Наталля Сяргееўна Кочык – аператар па вырошчванню парасят СВФ “Прыазёрны” камбікормавага завода,
Людміла Мікалаеўна Самута – аператар па адкорму свіней СВФ “Прыазёрны” камбікормавага завода.
Усе названыя пераможцы рэспубліканскага спаборніцтва адзначаны Ганаровымі дыпломамі і грашовымі прэміямі. І калі б усе працавалі так, як яны, у нас у галіне жывёлагадоўлі не было б ніякіх праблем.
Аляксей ФЁДАРАЎ
