10 мая адбылася ўрачыстасць, прысвечаная Дню Дзяржаўнага сцяга і Дзяржаўнага герба Рэспублікі Беларусь. У святочным мерапрыемстве, што ладзілася на гарадской плошчы, прынялі ўдзел кіраўніцтва раёна, на чале са старшынёй райвыканкама Юрыем Дзядзюком, прадстаўнікі працоўных калектываў, грамадскіх аб’яднанняў, вучнёўскай моладзі.
Са словамі віншаванняў да прысутных звярнуліся старшыня раённага Савета дэпутатаў Святлана Барташ, дэпутат Палаты прадстаўнікоў Нацыянальнага сходу Рэспублікі Беларусь Юрый Дарагакупец, старшыня раённай арганізацыі грамадскага аб’яднання “Белая Русь” Васіль Нагурны.
Права падняць дзяржаўны сцяг было нададзена маладым грамадзянам раёна з ліку лепшых навучэнцаў Станіславу Ляхоўчыку і Лізавеце Калабінай, а таксама ветэрану Вялікай Айчыннай вайны Сяргею Яўсеевічу Лапе.
Генадзь ДЗЕЮН
Фота Івана ЛЯОНЧЫКА
