Андрэй Каляда — адзін з прадстаўнікоў шматлікага сучаснага маладога пакалення нашай краіны. Ён не толькі прыгожы хлопец, спартсмен, член БРСМ, але і арганізатар многіх добрых спраў сярод сваіх равеснікаў.
Нарадзіўся Андрэй у вёсцы Пярковічы. Пасля сканчэння мясцовай сярэдняй школы паступіў у Брэсцкі ўніверсітэт імя А. С. Пушкіна на факультэт фізічнага выхавання.
З мінулага года малады спецыяліст працуе ў дзяржаўнай установе адукацыі “Драгічынскі раённы цэнтр пазашкольнай работы” . Тут ён кіруе аддзелам турызму і краязнаўства. Таму Андрэй Каляда сістэматычна арганізоўвае і праводзіць спаборніцтвы па турызму, краязнаўчыя конкурсы і г.д. Акрамя гэтага ён — пастаянны ўдзельнік усіх спартыўных мерапрыемстваў. На некаторых з іх дабіваецца высокіх вынікаў і рэкордаў. Словам, малады педагог, як той факел, запальвае сэрцы юнакоў і дзяўчат, сваім прыкладам натхняе іх на карысныя і добрыя справы.
Не так даўно, напярэдадні Дня настаўніка, за актыўную жыццёвую пазіцыю, удзел у грамадска-мала-дзёжным жыцці раёна Андрэй Каляда быў узнагароджаны Граматай аддзела па справах моладзі райвыканкама.
НА ЗДЫМКУ: наш малады сучаснік Андрэй Каляда.
Фота Юрыя СЯРГЕЯ.
