spot_img

“На суседнім двары” –

Дата:

пад такой назвай у дзіцячым яслях-садзе № 2 г.Драгічына прайшло забаўляльнае мерапрыемства для выхаванцаў старэйшай групы. На гэтых занятках, якія вяліся на беларускай мове,  дзеці прадоўжылі знаёміцца з традыцыйнымі народнымі забавамі праз рухомыя гульні і тэатралізаваную дзейнасць.

Пад гукі нацыянальнай музыкі да дзяцей завітаў казачны пеўнік Цімоша і запрасіў усіх да сябе на двор. З ім дашкаляты пагаварылі пра хатнія рэчы, узгадалі назвы дамашніх жывёл на беларускай мове. Хлапчукі і дзяўчынкі дружна вялі гаворку на беларускай мове, і Цімошы гэта вельмі спадабалася. Далей казачны герой прапанаваў дзецям разам пасадзіць дрэўцы ў садку, таму што на вуліцы – вясна і прыйшоў час заняцца гэтай справай. Усе разам прапанавалі пасадзіць грушу, тым больш, што дзеці добра ведалі беларускую гульню з аднаіменнай назвай, і з задавальненнем да яе далучыліся.

Потым Пеўнік распавядаў дзецям пра беларускія ласункі, пачаставаў іх смачнымі блінамі-дзерунамі і расказаў малечы, з чаго і як рыхтуецца гэта нацыянальная страва.  Падсілкаваўшыся, дашкаляты з задавальненнем прадоўжылі знаёміцца з беларускімі народнымі гульнямі: “Блін гарыць!”, “Пеўнікі”, “Кот і мыш” і іншымі. Некаторыя з іх так спадабаліся дзецям, што яны прасілі не адзін раз паўтарыць забаўлянку.

Напрыканцы старэйшыя выхаванцы дашкольнай установы паказалі павучальнае тэатралізаванае прадстаўленне “Пан і Гаспадар”, мараль якой заключалася ў наступным: хто працуе, той і мае, а хто гультай, у таго і зелле ў агародзе.

Пасля гэтага Пеўнік  развітаўся з дзецьмі, і яны, задаволеныя такім карысным правядзеннем часу,  накіраваліся  ў сваю групу. У ходзе заняткаў дашкаляты не толькі істотна папоўнілі свой запас беларускамоўных слоў і веды аб народных гульнях, але і ўмацавалі сваё здароўе, якое з’яўляецца першаасновай дабрабытнасці сям’і і грамадства.

Аляксандр МІРАНЕНКА,

кіраўнік фізвыхавання ясляў-сада № 2 г.Драгічына

Поделиться новостью:

Популярно

Архив новостей

Похожие новости
Рекомендуем

Белорусская милиция усилит профилактику правонарушений среди несовершеннолетних во время каникул

Белорусская милиция усилит профилактику правонарушений среди несовершеннолетних во время...

В Дрогичине прошел X межрегиональный фестиваль педагогов специального образования

Сегодня, 22 мая, в Дрогичинском РЦДОДиМ собрались участники межрегионального...

Александр Лукашенко отправил на доработку проект указа о контрольно-надзорной деятельности, но часть новаций уже озвучена

Контрольно-надзорная деятельность в Беларуси будет усовершенствована. Акцент делается на...