Навукоўцы наведалі Бездзеж

Дата:

Бездзежскай зямлі не ўпершыню сустракаць гасцей, і ў тым ліку з замежжа. Што тут можа прывабіць, зацікавіць турыстаў? Канешне, гістарычныя і культурныя помнікі, музей народнай творчасці “Бездзежскі фартушок”, сялянская этнасядзіба “Каля Плэса”. 24 мая аграгарадок наведалі ўдзельнікі 4-й Міжнароднай навукова-практычнай канферэнцыі “Берасцейскія кнігазборы: праблемы і перспектывы даследвання”.

Сярод гасцей, завітаўшых у наш край, былі даследчыкі, работнікі бібліятэк, архіваў, супрацоўнікі вышэйшых навучальных устаноў, навуковых таварыств, як з Беларусі, так і з Польшчы, Украіны, Расіі. У гэты дзень удзельнікі канферэнцыі наведалі гісторыка-архітэктурныя помнікі (праваслаўныя храмы) у Брэсцкім, Жабінкоўскім, Іванаўскім раёнах і напрыканцы свайго падарожжа пазнаёміліся з культурным каларытам бездзежскай зямлі. Спачатку навукоўцы наведалі пункт “Бездзеж” геадэзічнай дугі “Струвэ”, потым даведаліся пра мінулае і сучаснасць вёскі падчас экскурсіі. На парозе “Бездзежскага фартушка” гасцей сустрэлі работнікі музея з караваем, артысты народнага калектыву “Сваякі” – з вясёлай песняй. Навукоўцы адзначылі ўнікальнасць музея, сабраных у ім рэчаў. Тут і былі падведзены вынікі працы канферэнцыі. Падчас сустрэчы госці адзначылі, што Берасцейшчына, не менш чым іншыя рэгіёны Беларусі, багата на сваю гісторыка-культурную спадчыну, і такія ўстановы, як музей “Бездзежскі фартушок”, – таму пацвярджэнне.

На развітанне ўдзельнікі канферэнцыі атрымалі сувеніры на памяць, а таксама кожны з іх пачаставаўся кавалкам свежага, смачнага каравая.

Андрэй РАСАФОНАЎ

Поделиться новостью:

Популярно

Архив новостей

Похожие новости
Рекомендуем

Социальный видеоролик “Мои желания в познании” от Министерства информации

Министерство информации представляет социальный видеоролик "Мои желания в познании",...

В Дрогичинском районе возобновил работу сектор судебно-­медицинских экспертиз

Совсем недавно в Дрогичинском районе возобновил работу сектор судебно-­медицинских экспертиз...

Лукашенко представили законопроект о статусе председателей рай- и горисполкомов

Президент Беларуси Александр Лукашенко 6 февраля собрал совещание по...

60 лет исполнилось Дрогичинскому ДРСУ № 177

В первый день последнего зимнего месяца свой 60‑летний юбилей...