Шаноўныя жыхары Драгічыншчыны! Дарагія землякі!
1 лютага 2015 года а 16-й гадзіне ў канцэртнай зале гарадскога Дома культуры адбудзецца дабрачынны канцэрт аркестра народных інструментаў Драгічынскай дзіцячай школы мастацтваў “Ад сэрца – да сэрца”. Мы запрашаем усіх паслухаць і паглядзець апрацоўкі народных песень і танцаў, класічныя творы і эстрадныя кампазіцыі ў выкананні народнага аркестра і нашых лепшых салістаў-вакалістаў. Спадзяемся, што вы атрымаеце сапраўдную асалоду ад далучэння да чароўнага свету жывой вакальна-інструментальнай музыкі, якая будзе нараджацца тут і цяпер, у вашай непасрэднай прысутнасці.
Усе сродкі, атрыманыя ад продажу білетаў на канцэрт, будуць пералічаны на будаўніцтва храма ў гонар нашай святой заступніцы, прападобнай Еўфрасінні Полацкай у Драгічыне.
Да сустрэчы на канцэрце!
Калектыў Драгічынскай
дзіцячай школы мастацтваў
