З 1 снежня 2009 года на абслугоўванне філіяла камунальнага ўнітарнага прадпрыемства “Брэстаблдарбуд” “Драгічынскае ДРБУ № 177” дадаткова перададзена 398 вуліц у 106 сельскіх населеных пунктах раёна агульнай працягласцю 357 кіламетраў. І каля 80 працэнтаў гэтых вуліц маюць патрэбу ў рамонце.
Раённым выканаўчым камітэтам сумесна з дарожным рамонтна-будаўнічым упраўленнем № 177 распрацаваны перспектыўны план капітальнага рамонту вуліц у вёсках на 2011-2015 гады. Так, напрыклад, у перыяд з 2011 па 2014 гады на тэрыторыі Драгічынскага сельсавета будзе адрамантавана 45,2 км вуліц на суму 6,758 млрд. рублёў.
Сяргей АЛЁШЫН.
