spot_img

Надыходзіць самая гарачая і адказная пара

Дата:

Лета, не затрымаўшыся ў зеніце, спакваля пачало паварочваць на другую палову. Адметным сімвалам гэтай пары становіцца паўсюднае стракатанне камбайнаў на збожжавых палетках, а ў сакавіты зялёны колер тутэйшых краявідаў ужо дзе-нідзе сталі ўплятацца шырокія залацістыя пожні – першыя прадвеснікі таго, што сёлетняе лета пачало свой зваротны адлік. Менавіта ў гэты час аграрыі раёна ўступаюць у сезон уборкі вырашчанага ўраджаю…

– Надыходзіць самая гарачая і адказная пара, калі многія віды сельгасработ трэба весці адначасова. І калі на адных палях у нас ужо завяршаецца жніво азімага ячменю, то на другіх – толькі распачынаем уборку азімага рапсу, пад які ў нашай гаспадарцы адведзена плошча ў 100 гектараў. Спадзяемся, што калектыўны клопат і гаспадарчыя затраты ў яго вырошчванні акупяцца дастойным ураджаем і прыбыткам, паколькі рапс на сённяшні дзень з’яўляецца адной з самых высокарэнтабельных сельгаскультур, – расказвае галоўны аграном ААТ “Ліпніцкі” Мікалай Мікалаевіч Бабко.

У пятніцу, 14 ліпеня, уборка рапсу стартавала на 50-гектарным участку ля вёскі Скібічы.Тут быў задзейнічаны і вопытнейшы сямейны экіпаж, у складзе якога у адной звязцы працуюць Фёдар Аляксандравіч Міхнюк з сынам Андрэем. Адметна, што Міхнюк-старэйшы, які мае каля трох дзясяткаў гадоў механізатарскага стажу, доўгі час упраўляў пагрузчыкам “Амкадор”. Некаторы час таму назад ён аформіў льготную пенсію і выйшаў на заслужаны адпачынак, але па-ранейшаму выходзіць на работу, каб аказаць дапамогу маладым працаўнікам у рамонце складанай сельскагаспадарчай тэхнікі, падмяніць калег на перыяд водпуску, бо такія, як Фёдар Аляксандравіч, спраўляюцца з любой сельскагаспадарчай тэхнікай. Яны – універсальныя механізатары-земляробы, майстэрства і вопыт якіх запатрабаваны ў любой важнай справе.

Як сапраўдны хлебаробскі нашчадак, з дзіцячых гадоў цікавасць да тэхнікі і бацькоўскай справы праяўляў і сын Ф.А.Міхнюка – Андрэй. Будучы навучэнцам абласнога прафесійнага аграрна-вытворчага ліцэя, юнак пачаў працаваць памочнікам камбайнера. У адным экіпажы з бацькам. Пазней, калі Фёдар Аляксандравіч пайшоў на заслужаны адпачынак, свае паўсядзённыя абавязкі, у тым ліку – работу на пагрузчыку “Амкадор” , ён таксама перадаў сыну, 23-гадоваму Андрэю Фёдаравічу Міхнюку.

А цяпер, у гарачую пару жніва, яны зноў працуюць разам, у адным камбайнерскім экіпажы. Гэта – іх шосты ўборачны сезон. Сумесную справу ў такім выпадку аблягчае тое, што людзі, якія дасканала ведаюць характар і прафесійныя здольнасці членаў сваёй каманды, спаўна давяраюць адзін другому. І ўборка ўраджаю для іх – не толькі адказная дзяржаўная задача, але і важная сямейная справа…

– На цяперашні год на гэтым полі выспеў нармальны ўраджай рапсу, і таму трэба спяшацца ўбраць яго, пакуль спрыяе надвор’е, – у адзін голас зазначаюць мае суразмоўнікі, Фёдар Аляксандравіч і Андрэй Фёдаравіч Міхнюкі.

І я не стала затрымліваць іх доўгімі размовамі. Бо цяпер наступае пара, калі за хлебаробаў пачынаюць гаварыць іх паказчыкі – гектары ўбранай збожжавай плошчы і тоны намалочанага зерня…

Сямейны экіпаж ААТ “Ліпніцкі”, у складзе якога працуюць Фёдар Аляксандравіч Міхнюк з сынам Андрэем, – на ўборцы рапсу
Сямейны экіпаж ААТ “Ліпніцкі”, у складзе якога працуюць Фёдар Аляксандравіч Міхнюк з сынам Андрэем, – на ўборцы рапсу

Галіна ШАФРАН

Фота аўтара

Поделиться новостью:

Популярно

Архив новостей

Похожие новости
Рекомендуем

В храме Живоначальной Троицы аг. Бездеж прошло архиерейское богослужение

Сегодня 24 июня, в Духов День, празднуемого после Дня...

В Дрогичине состоялось заседание Молодежного парламента

Сегодня на базе детской школы искусств состоялась IV сессия...

30 лет назад состоялись первые выборы первого президента Беларуси

Молодой независимый кандидат не обещал людям золотых гор. Говорил,...

Операция “Багратион”: архивные кадры освобождения Беларуси летом 1944-го. Бои под Могилевом

Из оперативной сводки Совинформбюро за 24 июня 1944 года:...