ДАГЛЯДАЮЦЬ ПАСЕВЫ

Не так даўно на базе адкрытых акцыянерных таварыстваў “Драгічынскі райаграсэрвіс”, “Драгічынскі камбікормавы завод” і сельскагаспадарчага вытворчага кааператыва “Бездзеж-Агра” прайшоў раённы семінар з удзелам галоўных аграномаў сельгасарганізацый, спецыялістаў райсельгасхарчу і станцыі аховы раслін. Удзельнікам мерапрыемства было расказана і на практыцы паказана, як трэба правільна весці догляд пасеваў, прымяняць гербіцыды.
Догляд пасеваў – другі этап сельгасработ на шляху да ўраджаю. І дзе гэтыя работы, скажам, шароўку і хімпраполку цукровых буракоў, падкормку іх і іншых культур, праводзяць своечасова, там заўсёды застаюцца ў выйгрышы – пасевы хутка развіваюцца, набіраюць сілы.
Поўнасцю закончылі хімічную праполку яравых зерневых у СВК “Імянінскі”, “Асіпавічы”, “Прыазёрскі”, “Агра-Дзеткавічы”, “Радастаўскі”, “Ліпніцкі”.
Ёсць усе падставы спадзявацца, што ў чыстым ад пустазелля стане будуць развівацца і набіраць сілу цукровыя буракі і кукуруза ў СВК “Аляксеевічы-Агра”, “Імя-нінскі”, “Пенякова” і іншых , дзе зараз арганізавана вядзецца хімпраполка гэтых культур.
Аляксей ФЁДАРАЎ