ДЕНЬ БАНКОВСКИХ И ФИНАНСОВЫХ РАБОТНИКОВ

, , Leave a comment

Аддзяленне  ААТ “Белаграпрамбанк” у г.Драгічыне пастаянна ўмацоўвае сувязі са сваімі надзейнымі партнёрамі. Таму фінансава-крэдытная ўстанова  з года ў год   дынамічна развіваецца. У ліку яе найпершых задач было і застаецца своечасовае і бесперабойнае крэдытаванне сельскагаспадарчай вытворчасці.
Нягледзячы на пэўныя цяжкасці ў эканоміцы,                Белаграпрамбанк па-ранейшаму працягвае супрацоўніцтва з аграрнікамі. Менавіта дзякуючы яго фінансавай падтрымцы ў сельскагаспадарчых вытворчых кааператывах раёна будуюцца новыя сучасныя малочнатаварныя фермы,  узводзяцца іншыя важныя вытворчыя                   аб’екты. Банк з’яўляецца надзейным партнёрам і сябрам уладальнікаў аграэкасядзіб, а таксама асабістых падсобных гаспадарак, якім прадастаўляе неабходныя крэдыты.
Сёння ў нашым аддзяленні Белаграпрамбанка, калектыў якога ў верасні бягучага года перасяліўся ў новае дыхтоўнае памяшканне, ёсць нямала дбайных працаўнікоў. Так, напрыклад, Таіса Міхайлаўна Муха звыш 35 гадоў аддала роднай установе і цяпер з’яўляецца спецыялістам першай катэгорыі аддзела разлікаў. А вось Святлана Аляксандраўна Кісель працуе галоўным інжынерам-праграмістам сектара інфармацыйных тэхналогій. Заўваг і нараканняў на работу гэтых жанчын у кліентаў і адміністрацыі банка няма.
НА ЗДЫМКУ: (злева направа) Таіса Міхайлаўна Муха і Святлана Аляксандраўна Кісель.
Фота Юрыя Сяргея
(Visited 33 times, 1 visits today)
 

Оставьте комментарий

(*) Required, Your email will not be published