У свой час Г.А.Івашчанка закончыла Мінскі дзяржаўны лінгвістычны універсітэт. І вось ужо 30 гадоў Галіна Аляксандраўна працуе настаўніцай англійскай мовы ў АСШ №2 г.Драгічына. За гэты час яна стала вопытным педагогам, выдатна валодае фактычным матэрыялам выкладаемага прадмета, шырока прымяняе на практыцы навейшыя дасягненні педагагічнай навукі. Да ўрокаў заўсёды старанна рыхтуецца. Асноўную ўвагу ўдзяляе развіццю вучэбнай актыўнасці школьнікаў, вучыць іх лагічнай думцы, уменню вы-дзяляць галоўнае.
У школе добра абсталяваны кабінет англійскай мовы. На ўроках настаўніца эфектыўна выкарыстоўвае разнастайныя сродкі навучання. Вялікі набор дыдактычнага і раздатачнага матэрыялу дазваляе даваць рабятам індывідуальныя заданні. Дарэчы, для развіцця ў вучняў інтарэсу да замежнай мовы і паглыблення іх ведаў Г.А.Івашчанка шмат часу адводзіць у перыяд пазакласнай работы.
НА ЗДЫМКУ: выкладчыца англійскай мовы АСШ №2 г.Драгічына Галіна Аляксандраўна Івашчанка.
Фота Юрыя Сяргея.
